Yangiliklar
O‘zbekiston va Quvayt sanoat va mehnat sohasida hamkorlik to‘g‘risida bitimlar imzoladi
Spot avval xabar berganidek, Shavkat Mirziyoyev rasmiy tashrifi doirasida Quvayt Amiri Shayx Mishal as-Saboh bilan muzokaralar o‘tkazdi.
Quvayt shahrida boʻlib oʻtgan muzokaralar yakunlari boʻyicha ikki mamlakat davlat rahbarlari Oʻzbekiston-Quvayt oʻrtasidagi har tomonlama sheriklik munosabatlarini rivojlantirish toʻgʻrisida Qoʻshma bayonot qabul qildi.
Tomonlar, shuningdek, quyidagi hujjatlarni imzoladilar:
- sanoat sohasida hamkorlik to'g'risidagi bitim;
- havo qatnovi shartnomasiga protokol;
- mehnat sohasida hamkorlik to'g'risidagi bitim;
- aqlli shaharlarni yaratish sohasida hamkorlik to'g'risidagi kelishuv;
- san'at va madaniyat sohasida hamkorlik to'g'risidagi bitim;
- sog'liqni saqlash sohasida hamkorlik to'g'risidagi bitim;
- 2025-2027 yillarga mo'ljallangan turizm sohasida tadbirlar dasturi;
- Quvayt arab iqtisodiy taraqqiyot jamg'armasi bilan hamkorlik shartnomasi.
Shavkat Mirziyoyev va Quvayt hukumati aʼzolari bugun boʻlib oʻtgan oliy darajadagi muzokaralar yakunlari boʻyicha erishilgan kelishuvlarni amaliy amalga oshirish masalalarini muhokama qildi. Savdo-iqtisodiy va sarmoyaviy aloqalarni rivojlantirish ustuvor vazifa etib belgilandi.
Muzokaralar chog‘ida qishloq xo‘jaligi, logistika va transport, gidroenergetika, infratuzilma, sog‘liqni saqlash, farmatsevtika va boshqa sohalardagi loyihalarni qo‘llab-quvvatlash va ilgari surish muhimligi ta’kidlandi. “Yoʻl xaritasi”ga kiritilgan qoʻshma dastur va hamkorlik loyihalarini ilgari surish maqsadida faol aloqalar va oʻzaro tashriflar tashkil etish boʻyicha ham kelishuvga erishildi.
Avvalroq Spot Xitoydan sarmoya kiritgan kompaniyalar soni bir oy ichida 110 taga oshgani haqida yozgan edi.
Manba
Axborot ko`magi
