Yangiliklar
Prezidentimiz sanoat tarmoqlarida 10 ta yangi laboratoriya tashkil etish bo‘yicha topshiriq berdi
– Ayni paytda mamlakatimizdagi 269 laboratoriyadan atigi 64 tasida sinov natijalari xalqaro miqyosda tan olingan. Bu esa tadbirkorlarni mahsulot eksport qilishda qo‘shimcha sinovlar o‘tkazishga majbur qiladi”, — deyiladi xabarda.
Prezidentimiz xalqaro miqyosda tan olingan laboratoriyalar sonini ko‘paytirish, elektrotexnika, qurilish materiallari, mashinasozlik kabi sohalarda 10 ta yangi laboratoriya tashkil etish zarurligini ta’kidladi.
O‘zbekistonning Jahon savdo tashkilotiga a’zo bo‘lishi uchun texnik jihatdan tartibga solish sohasidagi mahalliy qonunchilik xalqaro tashkilot talablariga mos kelishi zarurligi ta’kidlandi. Joriy yilda 340 ta milliy standartlar, 2025 yil oxiriga qadar esa yana 38 ta normativ-huquqiy hujjat ishlab chiqilishi rejalashtirilgan. Bundan tashqari, 28 ta texnik qoʻmitalar ishini va laboratoriyalar faoliyatini raqamlashtirish rejalashtirilgan. Xususan, buning uchun “Texnik reglament” elektron platformasi ishga tushiriladi.
