Yangiliklar
O‘zbekistondan elektr jihozlari eksporti milliard dollarga yetdi. Sanoat ikkinchi yirik bo`ldi
Ishlab chiqarish hajmi 1,8 barobar, sanoat korxonalaridan byudjetga tushumlar esa 8 barobar oshdi. Oxirgi uch yil ichida mahalliy elektrotexnika uskunalari eksporti geografiyasi ikki baravar ortdi – 62 ta davlatga. Yetkazib berish hajmi 1 milliard dollarga yetdi.
Shu bilan birga, bozor salohiyati 5 milliard dollarga baholanmoqda, ammo to'liq foydalanilmayapti. Mamlakatda smart-kartalar, generatorlar, telekommunikatsiya uskunalari va orgtexnika ishlab chiqarish imkoniyati mavjud.
Bugun Shavkat Mirziyoyev raisligida boʻlib oʻtgan yigʻilishda ana shu maʼlumotlar keltirildi. Shuningdek, shu yerda sohani yanada rivojlantirish bo‘yicha vazifalar va rejalar ham e’lon qilindi.
Shunday qilib, endilikda elektrotexnika ishlab chiqarishi turdosh sohalardagi korxonalar bilan hamkorlik asosida rivojlanadi. Shu maqsadda Ohangaron, Farg‘ona, Qarshi va Urganch texnoparklarida kompozit materiallar ishlab chiqarish, qolip va qadoqlash, metall va plastmassani qayta ishlash uchun 10 gektargacha maydon ajratiladi.
Mutasaddilarga aniq loyihalar bo‘yicha binolar qurish va ularni sanoat ipotekasi sharti bilan tadbirkorlarga berish bo‘yicha topshiriqlar berildi. Bundan tashqari, tadbirkorlarning mol-mulki va foyda solig'i stavkalari 50 foizgacha pasaytiriladi.
Prezident, shuningdek, joriy yilda mis mahsulotlarini chuqur qayta ishlash ulushini 60 foizga, kelasi yilda esa 75 foizga oshirish kerakligini taʼkidladi. Bu qo‘shimcha qiymatni 1 tonna misdan 1 ming dollargacha oshiradi.
Joriy yilda elektrotexnika sohasida ishlab chiqarish hajmi 40 trillion so‘mga yetishi kerak. Prezidentimiz davlat sarmoyaviy dasturlari va yirik loyihalarda mahalliy mahsulotlardan ko‘proq foydalanish bo‘yicha ko‘rsatmalar berdi.
Axborot ko`magi
