Yangiliklar
O‘zbekistonda sun’iy intellekt texnologiyalari faol rivojlanadi
Hujjatda mazkur sohani rivojlantirish bo‘yicha amalga oshirilishi lozim bo‘lgan asosiy maqsad va vazifalar belgilab berilgan. Bu haqda Adliya vazirligi matbuot xizmati xabar berdi.
Strategiyaning maqsadlari
Qarorga muvofiq, 2030 yilgacha quyidagi ko‘rsatkichlarga erishish rejalashtirilgan:
Sun'iy intellekt asosida yaratilgan dasturiy mahsulotlar va ko'rsatilayotgan xizmatlar hajmi 1,5 milliard AQSh dollariga yetishi kerak.
Sun'iy intellekt texnologiyalaridan foydalangan holda EPIGU platformasida (my.gov.uz) taqdim etilayotgan xizmatlar ulushi 10 foizgacha oshiriladi.
Sun'iy intellekt sohasida faoliyat yurituvchi ilmiy laboratoriyalar soni 10 taga yetkaziladi.Shuningdek, yuqori unumli hisoblash serverlari ham ishga tushiriladi.
O‘zbekiston hukumatlarning sun’iy intellekt texnologiyalarini joriy etishga tayyorligi bo‘yicha jahon reytingida (Government AI Readiness Index) yetakchi 50 davlat qatoridan joy oladi.
Ma'lumotlar bazasi va hisoblash quvvatini yaratish
2025-yil 1-sentabrga qadar loyihalar va ilmiy-amaliy tadqiqotlarni zarur ma’lumotlar bilan ta’minlovchi “katta ma’lumotlar” ma’lumotlar bazasi shakllantiriladi. Shu bilan birga, qonun hujjatlariga muvofiq axborot xavfsizligini ta’minlash talabiga rioya qilinadi.
Bundan tashqari, 2026-yilning 1-mayiga qadar sunʼiy intellekt texnologiyalarini joriy etish loyihalari doirasida maʼlumotlarni qayta ishlash uchun hisoblash quvvati ishga tushiriladi.
Axborot ko`magi
