Yangiliklar
Energetika vazirligi yil boshidan buyon Oʻzbekistonda ishlab chiqarilgan yashil energiya miqdori haqida maʼlumot berdi
Bu raqam Energetika vazirligi tomonidan o‘tgan yakshanba kuni soat 12:00 holatiga ko‘ra keltirilgan.
Bugungi kunda O‘zbekistonning yetti viloyatida umumiy quvvati 2,7 gigavatt bo‘lgan 9 ta quyosh fotoelektr va bitta shamol elektr stansiyasi mavjud bo‘lib, ular ekologik toza yashil energiya ishlab chiqaradi. Shundan quyosh elektr stansiyalari 3,5 milliard kilovatt-soat, shamol elektr stansiyalari esa 506,4 million kilovatt-soat ishlab chiqargan.
Jami ishlab chiqarish 1,2 milliard kub metr tabiiy gazni tejash va atmosferaga 1,68 ming tonna zararli gazlar chiqishining oldini olish imkonini berdi. Olingan muqobil elektr energiyasi hajmi ikki million xonadon uchun 10 oylik ijtimoiy normaga yoki 1,67 million xonadon uchun yillik normaga to‘g‘ri keladi.
Eslatib oʻtamiz, avvalroq Energetika vazirligi rahbari tadbirkorlarni quyosh panellarini oʻrnatishga majburlash holatlariga izoh bergan edi.
